Hərbi Hava Qüvvələrinin taktiki təlimləri keçirildi

25 Noyabr 2017 10:22

Hərbi Hava Qüvvələrinin birləşmə və hissələri ilə taktiki təlimlər keçirilib. Manevrlərdə hərbi hissələr təyin olunan vaxtlarda döyüşə tam hazırlıq vəziyyətinə gətirilib, idarəetmə orqanları və bölmələr manevr edərək yeni mövqeləri tutub. Qərargahlarda və bölmələrdə döyüş fəaliyyətlərinin planlaşdırılması və hazırlığı üzrə işlər aparılıb.Heyətlərin bacarığı və hərbi texnikanın imkanları döyüş təyyarələrinin uçuşlarının təqlid edilməsi və hava hədəflərinə qarşı döyüş işinin aparılması ilə yoxlanılıb. Bölmələr dağlıq relyef və mürəkkəb radioelektron maneə şəraitində sürətli hava hədəflərini vaxtında aşkarlayaraq dəqiq atəşlə məhv edib. Təlimlər bitdikdən sonra bölmələr daimi yerləşmə məntəqələrinə qayıdıb.