Qanuna əlavə və dəyişiklik edilir

11 Oktyabr 2017 11:54

Azərbaycanda körpələr və erkən yaşlı uşaqlar üçün süni qida məhsullarının reklamının hamilə qadınlar və analar arasında, tibb müəssisələrində yayımlanmasına görə cərimə tətbiq ediləcək. Bununla bağlı İnzibati Xətalar Məcəlləsinə əlavə edilir. Məcəllənin hazırkı variantına görə, süni qida məhsullarının satışını artırmaq məqsədi ilə tibb işçilərinin və onların ailə üzvlərinin bu və ya digər formada həvəsləndirilməsinə görə cərimələr tətbiq edilir. Bu hala görə fiziki şəxslər 150 manatdan 200, vəzifəli şəxslər 250 manatdan 300, hüquqi şəxslər 750 manatdan 1000 manatadək cərimələnirlər. Məcəlləyə təklif edilən dəyişiklik layihəsinə görə, bu cərimə həm də körpələr və erkən yaşlı uşaqlar üçün süni qida məhsullarının reklamının hamilə qadın və analar arasında, tibb müəssisələrində yayımlanmasına görə tətbiq ediləcək.